Aabot sa P1.9 milyong halaga ng mga puslit na sigarilyo ang nasabat ng Bureau of Customs sa bayan ng Glan, Sarangani.
Ayon sa BOC, pawang nagmula sa Indonesia ang 40 kahon ng Gudang Baru cigarette na isinakay sa isang motor banca.
Naaresto naman ang 2 tripulante na kinilalang sina Sandy Sawotong at Edison Pareda na kapwa residente ng Barangay Calumpang, General Santos City.
Inisyuhan na ng warrant of seizure and detention ang mga nasamsam na kontrabando dahil sa paglabag sa Customs Modernization And Tariff Act. —sa panulat ni Drew Nacino
