Pinaalalahanan ni AFP Chief of Staf Gen. Jose Faustino ang mga miyembro ng militar na manatiling tapat sa konstitusyon.
Ang paalala ay ginawa ng AFP Chief sa kanyang mensahe sa pagdiriwang ng ika-31 Anibersaryo ng AFP Code of Conduct.
Binigyang diin ng AFP Chief na responsibilidad ng bawat sundalo na itaguyod ang integridad at dangal sa pagganap ng kanilang mandato na pagsilbihan ang bayan.
Ang mensahe ni Gen. Faustino ay binasa din ng mga unit commanders a buong bansa sa kani-kanilang mga tropa na sinundan ng renewal of Pledge of Allegiance sa AFP Code of Conduct ng mga opisyal at tauhan ng militar.
Ang pledge of allegiance ay nilahukan ng AFP Major Services, Unified Commands, at iba’t ibang mga unit at tanggapan ng AFP sa pamamagitan ng virtual conference.
Inenganyo naman ni Gen. Faustino ang mga sundalo na patuloy na tumulong sa pagmantini ng isang “transparent” at “accountable” na AFP na ikararangal ng buong bansa.
