Nanindigan ang Office of the Solicitor General o OSG na legal ang pagpapatupad ng Oplan Double Barrel ng Philippine National Police (PNP).
Ayon kay Solicitor General Jose Calida, batay sa Section 26 ng RA no. 6975 o Department of the Interior and Local Government Act of 1990, hindi panghihimasok sa kapangyarihan ng Pangulo ang Oplan Double Barrel.
Aniya, nasa ilalim ng kapangyarihan ng PNP Chief ang kontrol sa pagpapakilos at deployment ng mga personnel, unit at kagamitan ng pambansang pulisya.
Dagdag ni Calida, hindi lamang limitado ang mandato ng PNP sa pag – responde sa krimen kundi maging ang pagpigil dito.
Matatandaang, itinakda ng Korte Suprema ang oral argument sa petisyon kaugnay ng legalidad ng Oplan Double Barrel sa Nobyembre 22.
