Pinadadalo ng kanyang mga kapwa mahistrado si Supreme Court Chief Justice On Leave Maria Lourdes Sereno sa isasagawang oral arguments sa Abril 10.
Ito’y para personal na masagot ni Sereno ang mga tanong hinggil sa Quo Warranto Petition na inihain laban sa kaniya ng OSG o Office of the Solicitor General.
Inihayag ito ni Supreme Court Spokesman at PIO o Public Information Office Chief Atty. Theodore Te kahapon, unang araw ng summer en banc session ng mga mahistrado sa Baguio City.
Una nang hiniling ng mismong kampo ni Sereno na maisalang sa oral arguments ang inihaing Quo Warranto Petition ng solicitor general bunsod ng mga nagawang paglabag umano ng punong mahistrado.
(Judith Estrada-Larino / Ulat ni Bert Mozo)
