Tiniyak ng Office of the Press Secretary (OPS) na tutugunan nila ang pangangailangan ng mga Pilipino.
Sinabi ni Press Secretary Trixie Cruz-Angeles maaaring magbigay ng feedback ang publiko sa OPS para lalong palakasin ang kanilang citizen engagement.
Saad pa niya, na bahagi ng kanilang mandato na makinig sa mga daing ng publiko.
Mino-monitor na rin aniya ng pamahalaan ang social media platforms para agarang makakuha ng tugon mula sa mga mamamayan.
Samantala, pinagsisikapan din ng gobyerno na mabawasan ang misinformation, disinformation, at mal-information sa pamamagitan ng pagsi-streamline ng proseso ng impormasyon. – sa panulat ni Hannah Oledan
