Pinaigting pa ng Bureau of Immigration ang kanilang ‘Oplan Angel Watch’.
Layon nito na i-monitor at harangin ang tangkang pagpasok sa bansa ng mga dayuhang akusado ng sex crimes lalo na ang mga pedophiles.
Ayon kay Maria Antonette Mangrobang, Spokesperson ng Bureau of Immigration, mahigit 500 dayuhang sex offenders na ang napigilan nilang makapasok sa bansa sa nakalipas na tatlong taon.
Sa naturang bilang mahigit sa 400 dito ang mga Amerikano, 80 ang Australians, 29 na Britons at 5 iba’t ibang nasyonalidad.
Ang Operation Angel Watch ay magkatulong na itinataguyod anya ng Bureau of Immigration at ng US government.
By Len Aguirre