Suspendido na ang operasyon ng green lane sa loob ng Bureau of Customs o BOC kaya’t kinakailangang dumaan sa x-ray ang lahat ng mga dumarating na container vans sa mga pantalan.
Ito ang inihayag ng bagong Customs Commissioner Isidro Lapeña sa pagharap nito sa imbestigasyon ng Senado hinggil sa shabu shipment makaraang aminin nito na tila unli o unlimited ang tara system sa loob ng Aduana.
Ayon pa kay Lapeña, bagama’t x-ray ang nakikita niyang pansamantalang solusyon sa problema sa Customs para maiwasan ang ‘tara’, mas mainam pa rin aniyang pag-aralan ang iba pang pinakamabisang solusyon para masawata ang kurapsyon sa BOC.
Magugunitang inihayag ni Senador Panfilo Lacson sa kaniyang privilege speech kamakailan ang ‘tara’ system sa Aduana na may titulong “kitang kita ang kita” at “doble kara, doble ang tara”.
—-
