Tuloy ang operasyon ng AFP o Armed Forces of the Philippines laban sa NPA o News People’s’ Army.
Pahayag ito ni AFP Chief of Staff, General Eduardo Año, matapos ihayag ng CPP-NPA-NDF ang kahandaan nilang lumagda sa bilateral ceasefire at pagpapalaya ng anim (6) na prisoners of war kapalit ng pagpapatuloy ng peace talks.
Ayon kay Año, kailangang ipakita muna ng CPP-NPA-NDF na sinsero sila sa kanilang mga binibitiwang pangako sa pamahalaan upang maibalik ang nawalang tiwala sa kanila ng gobyerno.
“Yung announcement nila mukhang sa public lang naman pero wala pa namang concrete na ipinapaabot sa ating GRP panel at pangalawa nasa kanila na ipakita kung talagang seryoso sila, remember yung ginawa nila na habang nakikipag-usap ay inatake nila ang mga sundalo natin.” Pahayag ni Año
Destab plot?
Solid ang suporta ng Armed Forces of the Philippines (AFP) kay Pangulong Rodrigo Duterte.
Tiniyak ito ni AFP Chief of Staff General Eduardo Año sa harap ng mga ugong na magkakaroon ng destabilization plot laban sa pamahalaan.
Ayon kay Año, ang pagkalat ng mga ganitong uri ng balita ay isang patunay lamang na umiiral ang demokrasya sa Pilipinas dahil may kalayaan ang lahat na magpahayag ng kanilang damdamin.
Una rito, sinabi ni National Security Adviser Hermogenes Esperon na walang dapat ipangamba ang Pangulong Rodrigo Duterte sa sinasabing planong kudeta na itataon sa anibersaryo ng EDSA People Power Revolution sa February 25.
Wala rin anya silang planong magsagawa ng loyalty check sa mga sundalo dahil malaki ang tiwala nila sa mga opisyal ng AFP na humahawak sa mga sundalo.
By Len Aguirre | Ratsada Balita (Interview)
