One strike policy.
Ito ang mahigpit na ipatutupad ng MMDA o Metropolitan Manila Development Authority laban sa kanilang mga tiwaling kawani.
Babala ni MMDA General Manager Tim Orbos, lahat ng empleyado ng ahensya, permanente man, casual o job order ay gagawaran ng preventive suspension kapag napatunayang sangkot sa katiwalian at anumang uri ng pag-abuso sa tungkulin.
Batay sa polisiyang ito ng MMDA, hindi na bibigyan ng pangalawa pang pagkakataong makapagserbisyo muli sa ahensya ang isang kawani kapag natuklasang guilty sa akusasyon laban sa kanya.
By: Jelbert Perdez
