May nakaambang rollback sa presyo ng mga produktong petrolyo ngayong linggong ito.
Ayon sa ilang source sa industriya ng langis, papalo sa P0.75 hanggang P1.00 ang inaasahang rollback sa presyo ng kada litro ng gasolina.
Uno kuwarenta’y singko (P1.45) hanggang P1.50 ang rollback sa presyo ng kada litro ng diesel.
Habang P0.35 hanggang P0.45 ang posibleng maging rollback sa presyo ng kerosene.
Ayon sa report, patuloy na bumababa ang presyo ng langis sa world market sa kabila ng inaasahang pagtaas ng demand dito lalo pa’t ngayong lumalamig ang panahon bunsod ng Kapaskuhan.
By Jaymark Dagala
