Inilarga na ng mga kumpanya ng langis ang taas-presyo sa mga produktong petrolyo ngayong araw.
Batay sa kanilang abiso, epektibo kaninang ala-6 ng umaga ang P0.10 na taas-presyo sa kada litro ng kanilang gasolina.
Kabilang sa mga nag-anunsyo ang mga kumpanyang Petron, Shell, Seaoil, Phoenix, PTT, Eastern Petroleum at Petro Gazz.
Una namang nagpatupad ng dagdag-presyo ang kumpanyang Caltex kaninang alas-12 ng hating gabi.
Samantala, wala namang paggalaw sa kanilang ibinebentang diesel at kerosene.
