Suspendido ang number coding scheme bukas, Mayo 1.
Ito ang inanunsyo ng Metropolitan Manila Development Authority (MMDA) bilang pakikiisa sa paggunita ng Labor Day.
Ang number coding ay awtomatikong suspendido sa buong Metro Manila kapag regular holiday gaya ng Paggawa.
Kasabay nito, pinayuhan ng MMDA ang mga motorista na planuhin ang kanilang biyahe at mag-ingat sa pagmamaneho.
