Nagsagawa ng Noise Barrage nitong Martes ang National Union of Journalists of the Philippines (NUJP) sa Roces Park sa Quezon City bilang paggunita sa ika-12 taong anibersaryo ng Maguindanao Massacre.
Sabay-sabay na nag-ingay ang grupo bilang simbolo ng patuloy na pakikipaglaban para sa 58 biktima ng naturang massacre.
Binigyang diin ng NUJP na ang Maguindanao Massacre ay simbolo ng ”culture of impunity” sa pag-atake sa media at iba pang mga sibilyan.
Itinuturing na Worst Election-Related Violence sa Pilipinas ang naganap na Massacre sa Maguindanao. —sa panulat ni Hya Ludivico
