Sisimulan na bukas, Enero 10 ang pagpapatupad ng” No PCR Test, No Vax, No Entry” sa lalawigan ng Capiz.
Ayon sa Capiz LGUs, hindi papayagang makapasok sa lalawigan ang mga indibidwal o mga biyaherong hindi makakapagpresenta ng RT-PCR test result at mga walang bakuna.
Bukod pa dito, pagbabawalan din sa lalawigan ang mga pampubliko at pribadong establisimyentong hindi makakapagpresenta ng vaccination card.
Base Executive Order na inilabas ni Capiz Gov. Esteban Evan Contreras, kailangang ipresenta ang negative RT-PCR test result na kinuha ng hindi lalagpas sa 72 oras bago ang pagbiyahe sa lalawigan ng Capiz.
Kasabay ng naturang panukala, ipatutupad din ang curfew hour sa buong lalawigan simula alas-2 ng madaling araw hanggang alas-4 ng umaga at ipagbabawal din ang pag-inom ng alak sa mga pampublikong lugar.
Layuninin nitong mapaigting ang seguridad ng bawat isa kontra COVID-19 at sa panibagong variant na Omicron. —sa panulat ni Angelica Doctolero