Hinihikayat ng Civil Service Commission (CSC) ang mga ahensya ng gobyerno na magpatupad ng “no gift policy” tuwing Christmas season.
Ayon kay Civil Service Commission Chairperson Alicia dela Rosa-Bala, mabuti nang may kanya-kanyang no gift policy ang bawat ahensya ng pamahalaan upang hindi malagay sa alanganin ang mga tauhan at maging ang mga opisyal ng gobyerno.
Bukod sa pagtanggap ng regalo, nilinaw ni Bala na mahigpit ring ipinagbabawal ang pagpapa-sponsor o pagso-solicit ng regalo para sa Christmas Party lalo na sa mga kumpanya o tao na mayroong transaksyon sa isang ahensya ng pamahalaan.
By Ralph Obina
