Naglaan ang National Housing Authority o NHA ng 375 kabahayan para sa mga sumukong miyembro ng NPA o New People’s Army.
Ayon kay NHA General Manager Marcelino Escalada Jr., ang naturang pabahay sa “freedom residences” sa Barangay Cuambogan sa Tagum City ay nakalaan sana para sa mga sundalo at pulis ngunit ipinaubaya na nila ito sa mga sumukong rebelde.
Nabatid na may lawak na 40 square meters ang lupang tinayuan ng bahay na may 33 square meters na floor area.
Nasa 50 bahay na umano ang handa nang ibigay ng gobyerno sa mga dating rebelde.
