Blangko ang National Grid Corporation of the Philippines o NGCP, kung bakit palaging pinapasabog ang kanilang mga tore.
Ayon kay Cynthia Alabanza, tagapagsalita ng NGCP, wala silang natatanggap na komunikasyon mula sa mga suspek.
Sa kabila nito, tiniyak din ni Alabanza na kanilang ginagawa ang lahat upang maibalik ang serbisyo sa mga naapektuhang lugar at ang pagtatayo ng mas marami pang linya.
Hinimok din ng NGCP ang mga residente malapit sa kanilang mga tore na agad ipaalam sa kanila ang mga kahina-hinalang tao o aktibidad sa pamamagitan ng pagte-text sa 0917 tip ngcp o 0918 tip ngcp (0917 847 6427 / 0918 847 6427).
Bahagi ng pahayag ni Cynthia Alabanza, tagapagsalita ng NGCP
Elections
Hindi matiyak ni NGCP Spokesman Cynthia Alabanza na hindi magkakaroon ng problema sa suplay ng kuryente sa eleksyon sa Lunes.
Ayon kay Alabanza, ito ay dahil wala naman din katiyakan na hindi aatake ang mga grupong nagpapasabog sa kanilang linya.
Sinabi ni Alabanza na malaking problema din ang pagdami ng vulnerable areas kung saan maraming pag – atake o kaya mga lugar na hindi sila nakakagawa ng preventive maintenance.
Kabilang aniya sa kanilang problema ay ang pagtatayo ng ilang indibiduwal ng puno sa ilalim ng kanilang mga tore o kaya linya.
Bahagi ng pahayag ni Cynthia Alabanza, tagapagsalita ng NGCP
By Katrina Valle | Balitang Todong Lakas
