Pabor si Socioeconomic Planning Secretary at National Economic Development Authority (NEDA) Chief Karl Kendrick Chua sa “on-site work” ng lahat ng IT-Business Process Outsourcing (IT-BPO) firms dahil mapapalakas nito ang economic recovery ng bansa.
Aniya, naiintindihan nito ang concern ng bpo ngunit bahagi ng pagbabalik sa new normal ang patuloy na pagpupursige sa pagtatrabaho kung saan balik-opisina na ang ilang kumpanya.
Matatandaang tinanggihan ng Fiscal Incentives Review Board (FIRB) ang kahilingang palawigin ang remote-work arrangement pagkatapos ng March 31, 2022.
Nangangahulugan ito na lahat ng manggagawa ay dapat bumalik para sa on-site duty simula Abril 1, 2022. —sa panulat ni Airiam Sancho
