Mahalagang ipagpatuloy ang patuturo at pagsasanay sa publiko patungkol sa tamang kahandaan bago tumama ang kalamidad.
Ito ang muling paalala ng National Disaster Risk Reduction and Management Council (NDRRMC) kasunod ng pananalasa ng mga bagyong Quinta at Rolly sa ilang lugar sa bansa.
Kasabay nito, sinabi sa DWIZ ni NDRRMC spokesperson Mark Timbal na dahil may namumuo na namang sama ng panahon ay pinaghahanda na nila ang mga regional disaster councils para sa posibleng maagang paglikas na gagawin sakaling maging ganap na bagyo ang nabanggit na Low Pressure Area (LPA).