Nananatiling nasa low risk classification ng COVID-19 ang National Capital Region.
Sinabi ng Department of health (DOH) na bagama’t nakitaan ng positive growth rate ang Metro Manila, ang Average Daily Attack Rate (ADAR) nito ay nananatiling mababa pa rin.
Dagdag ng kagawaran na ang NCR ay kailangan nang hindi bababa sa 818 na kaso araw-araw sa loob ng dalawang linggo upang maabot ang ADAR .
Ang ADAR ay tumutukoy sa insidente na nagpapakita ng average ng bilang ng mga bagong kaso sa bawat 100K na katao.
Samantala, nananatiling mababa rin ang healthcare utilization rate ng naturang rehiyon.
