NBI pinakilos na para madakip si Arturo Lascañas

Pinakilos na ng Department of Justice o DOJ ang NBI o National Bureau of Investigation na makipag-ugnayan sa Interpol o International Police organization para sa pag-aresto kay retired policeman Arturo Lascañas.

Inutusan ni Justice Secretary Vitaliano Aguirre si NBI Director Dante Gierran na kumuha ng mga impormasyon sa kinaroroonan ni Lascañas at makipag-ugnayan sa mga awtoridad para sa agarang pagdampot sa dating pulis.

June 5 nang magpalabas ng arrest warrant si Davao City RTC Judge Retrina Fuentes laban kay Lascañas dahil sa mga kasong frustrated murder at murder kaugnay sa tangkang pagpaslang sa broadcast journalist na si Jun Pala noong 2002 at 2003 at pagpatay dito noong September 6, 2003.

Si Lascañas ay una nang lumabas ng bansa at nagtungo ng Singapore noong April 8.

Aguirre tiniyak na dadalo sa anumang imbestigasyon ng senado kaugnay sa opposition senators

Tiniyak ni Justice Secretary Vitaliano Aguirre ang pagdalo sa anumang imbestigasyon ng senado matapos ang kaniyang pahayag laban sa opposition senators.

Kasunod na rin ito ng plano ni Senador Grace Poe na magpatawag ng imbestigasyon hinggil sa insidente.

Magugunitang umani ng negatibong reaksyon ang pagdadawit ni Aguirre kina Senador antonio Trillanes, Senador Bam Aquino, Magdalo Party-list Representative Gary Alejano at political adviser ni dating Pangulong Noynoy Aquino III na si Ronald Llamas na nagpulong sa Marawi City bago ang pag-atake ng Maute Group.

By  Judith Larino

Comments

comments