Iginiit ni Bicol Saro Party-list Representative Terry Ridon na napanindigan ni National Bureau of Investigation (NBI) Director Melvin Matibag ang kaniyang testimonya matapos ang ikatlong linggo ng impeachment trial.
Ayon kay Cong. Ridon, nanatiling buo ang kredibilidad ni Atty. Matibag sa kabila ng mga tanong na ibinato sa kaniya ng defense panel.
Aniya, malinaw na naipakita sa pagdinig ang usapin kaugnay ng umano’y pagbabanta, kabilang ang testimonya ng tatlong NBI agents hinggil sa insidenteng kinasangkutan ng Bise Presidente.
Para kay Cong. Ridon, hindi umano maaaring balewalain ang mga pahayag na nag-uugnay sa umano’y banta laban sa Pangulo.
