Pangatlo ang Ninoy Aquino International Airport (NAIA) sa pinaka-stressful na paliparan sa Asya at Oceania.
Batay ito sa datos na nakolekta ng travel blog na Hawaiian islands, kung saan sinuri ang mahigit 1,500 review sa google para sa mahigit 500 paliparan sa buong mundo.
Sa nasabing tala, lumabas na halos 58 % ng mga pasaherong dumaraan sa NAIA ay nakakaranas ng stress.
Nanguna sa tala ang Tan Son Nhat International Airport ng Vietnam, na may 60.1 % na review.
Pumapangalawa naman ang Sydney Kingsford Smith International Airport sa Australia, na nakakuha ng 59% na review.
Samantala, ang Toronto Pearson International Airport sa Canada, ang pinaka-nakaka-stress na Paliparan sa North America.
