Kinumpirma ni National Bureau of Investigation Director Jaime Santiago na nakapagsampa na sila ng kaso laban sa nagpakalat ng kontrobersyal na pekeng polvoron video ni pangulong Ferdinand Marcos Jr.
Kasunod ito ng naging pahayag ng Malacañang na ipinuubaya na nila sa Department of Justice at nbi ang pagsasampa ng reklamo laban sa nagpakalat ng naturang video.
Gayunman, hindi isinapubliko ni Director Santiago pagkakakilanlan ng mga kinasahunan, kasabay ng pagsasabi nahintayin na lang ang ilalabas na resolusyon ng doj upang malaman ang desisyon kaugnay sa kaso.
Matatandaang ibinunyag ng isang resource speaker sa Tri-Comm hearing ng kamara na si Atty. Harry Roque ang nasa likod ng pagpapakalat ng nasabing video.
Kinumpirma rin ni Dir. Santiago na ginamit nila ang naturang anggulo bilang ebidensya sa isinampang kaso.—sa panulat ni John Riz Calata
