Malamig ang isang psychologist sa mungkahi ni Senate Committee on Basic Education Chairman Bam Aquino na panagutin ang magulang ng mga bully na estudyante.
Kasunod ito ng ulat ng Second Congressional Commission on Education (EDCOM 2) na nakaapekto sa test scores ng mga mag-aaral ang kanilang karanasan sa pambubully.
Ayon kay Dr. Camille Garcia, sa halip na panagutin ang mga magulang, mas mainam na ipabatid na lamang sa mga ito ang mga hakbang ng paaralan sakaling maging agresibo ang kanilang mga anak.
Samantala, hinimok naman ni Dr. Garcia ang publiko na huwag mag-atubiling isumbong sa mga otoridad sakaling nakakaranas o makakita ng insidente ng bullying.
