Ipinatupad na ngayong araw ng Metropolitan Manila Development Authority (MMDA) ang mas mataas na multa sa mahuhuling illegaly parked vehicles.
Ayon kay MMDA Spokesperson Celine Pialago, mula sa dating dalawang daang piso (P200) ay magiging isang libong piso (P1,000) na ang multa sa mga sasakyang iligal na nakaparada at mayroong drayber sa loob.
Ang mga sasakyan namang iligal na nakaparada na unattended o iniwan ng drayber ay pagmumultahin ng dalawang libong piso (P2,000) mula sa dating limang daang piso (P500).
Habang ang obstruction naman sa kalsada ay pagmumultahin ng isang libong piso (P1,000) mula sa dating isang daan at limampung piso (P150).
Sinabi ni Pialago, hindi lamang isang beses maaring maisyuhan ng traffic violation tickets ang mahuhuling may paglabag kundi hanggang dalawang beses kada araw na mayroong tatlong oras na interval.
—-
