Nagbabala ang Palasyo sa mga mapagsamantalang indibidwal na gumagamit sa pangalan ni Executive Secretary Salvador Medialdea para makapag – solicit ng pera.
Sa inilabas na notice to the public ng tanggapan ng Office of the Executive Secretary, mayroon ding malalakas ang loob na layuni’y magsamantala sa pamamagitan ng pagpapakilalang sila’y miyembro ng gabinete.
Ipinararating naman ng tanggapan ng Executive Secretary at Office of the President sa publiko na wala silang pinapahintulutang sinuman mula sa kanilang opisina na manghingi ng solicitation.
Posibleng gamitin ng mga kawatan sa kanilang modus ang mga naging biktimang residente sa Marawi bilang beneficiaries sa kanilang solicitation.
