Ininspeksyon ni Metropolitan Manila Development Authority (MMDA) Chairman Benhur Abalos ang Manila North Cemetery ngayon araw.
Ayon kay Abalos, nais niyang makita ang ginagawang hakbang ng pamunuan ng sementeryo at Manila Police District kung nasusunod ang mga patakaran sa ilalim ng guidelines ng alert level 3 bunsod ng COVID-19.
Ikinatuwa naman ni Abalos ang ginagawang pagkokontrol ng mga otoridad sa pagpapapasok ng mga tao sa naturang libingan.
Samantala, paalala niya na paghandaan pa rin ang posibleng pagdagsa nito sa mga susunod na araw. —sa panulat ni Airiam Sancho
