Nasakote na ng National Bureau of Investigation ang babaeng suspek sa pagpaslang sa kanyang mister sa Cebu noong isang taon.
Kinilala ang suspek na si Geraldine Potot, residente ng barangay Carreta, Cebu City na naaresto sa tapat ng isang sementeryo.
Ayon kay NBI Chief agent Arnel Pura, ilang araw nilang minanmanan si Potot na mahigit isang taon ding nagtago dahil sa kasong parricide.
Hulyo noong isang taon nang matagpuang patay si Romneck Potot makaraang mawala ng tatlong araw.
Bukod kay Geraldine, naaresto rin ang anim na kaanak nito na sangkot sa pagpatay kay Romneck.—mula sa panulat ni Drew Nacino
