Maaaring hindi na sapat ang kasalukuyang minimum wage sa Metro Manila dahil sa tumataas na presyo ng mga bilihin.
Ito ang sinabi ni Department of Labor and Employment (DOLE) Secretary Silvestre Bello, III kung saan inatasan niya ang Regional Tripartite Wages and Productivity Boards (RTWPB) na bilisan ang pagrepaso sa minimum wage ng mga manggagawa.
Iginiit din ng kalihim na dapat i-monitor ng RTWPB, National Economic Development Authority (NEDA), Department of Trade and Industy (DTI) at kinatawan ng labor at employers groups ang wage level, economic factors at magbigay ng rekomendasyon sa minimum wage adjustment sa bansa.
Inaasahan naman ni Bello na makakapaglabas ng rekomendasyon ang RTWPB hinggil sa naturang usapin sa Abril. —sa panulat ni Airiam Sancho
