Umaasa si Senador Christopher Bong Go na pagbibigyan sila ng Senate Blue Ribbon Committee na sagutin ang mga alegasyong ibinibintang laban sa kanila.
Ito’y makaraang madawit ang pangalan ng Senador hinggil sa umano’y ovepriced na pagbili ng procurement service ng Department of Budget and Management (DBM) ng mga Personal Protective Equipment (PPE).
Kasunod niyan, hinamon din ni Go ang negosyante at dating presidential adviser na si Micheal Yang gayundin ang mga opisyal ng kumpaniyang Pharmally na humarap sa gagawing pagdinig ng Komite.
Bagama’t nagpadala na ng subpoena ang Komite sa mga nabanggit, sinabi ni Go na hindi pa rin sila matunton ng mga tauhan ng senado hanggang sa kasalukuyan. —sa ulat ni Cely Ortega Bueno (Patrol 19)