Binigyan na ng pitong araw na ultimatum ng National Housing Authority ang mga miyembro ng KADAMAY upang lisanin ang mga housing project ng ahensya na kanilang iligal na inokupa sa Bulacan.
Ayon sa NHA dapat irespeto ng mga miyembro ng kadamay ang proseso ng batas maging ang karapatan ng kanilang mga kapwa maralitang naghintay ng ilang taon upang magkaroon ng permanteng bahay.
Para sana sa mga miyembro ng Armed Forces of the Philippines at Philippine National Police ang mga housing project na inokupa ng KADAMAY sa Villa Louise, Bureau of Jail Management and Penology Village, sa Pandi at San Jose Del Monte Heights, San Jose Del Monte City.
Inokupa na rin ng grupo ang mga pabahay ng NHA sa Villa Elise sa barangay Mapuso at Pandi Village 2 sa barangay Mapulang Lupa na para naman sa mga residenteng naninirahan sa mga estero sa Quezon City at mga security guard.
By: Drew Nacino
