Nanawagan si House Committee on Suffrage Chair at CIBAC Partylist Rep. Sherwin Tugna sa publiko na huwag agad husgahan si COMELEC Chairman Andres Bautista.
Kasunod ito ng naging pagbubunyag ng asawa ng poll chief na si Patricia Paz na may itinatago umanong Isang Bilyong Pisong yaman ang kaniyang mister.
Ayon kay Tugna, bibigyan nila ng pagkakataon ang poll chief na makapagpaliwanag at sagutin ang lahat ng alegasyong ibinabato ng kaniyang misis.
Kasunod nito, tiniyak din ni Tugna na kanilang bubungkalin ang mga sinasabing tagong yaman ni Bautista sa ikinakasa nilang pagdinig sa Lunes ng susunod na linggo.
