Ilang tulay at kalsada pa sa Region 9, 10 at CARAGA ang hindi pa rin nadadaan dahil sa epekto ng Bagyong Vinta.
Ayon sa Department of Public Works and Highways o DPWH, sira pa rin ang Salug Dacu Bridge sa Zamboanga Del Sur, Pagayawan – Mimarai Bridge, Babakayan Townsite Hanging Bridge at Esperanza – Babalaya Hanging Bridge sa Lanao Del Norte.
Habang hindi pa rin madaanan matapos na masira sa flashflood ang Dalama Bridge sa Bacolod – Madalum Highway at ang Daligdigan Bridge sa Salvador – Sapad- Nunungan Road.
Ngunit patuloy naman ang pagsisikap ng ahensya upang mabilis na maisasaayos ang naturang mga istraktura.
