Mga terorista huwag umanong buhayin ayon sa Pangulo

Huwag buhayin ang mga terorista!

Ito ang direktiba ni Pangulong Rodrigo Duterte  sa  tropa  ng  gobyerno na nakikipagbakbakan sa  mga  terorista sa Marawi City.

Sa  kanyang talumpati sa   mass  oath  taking  sa Malacanang kahapon, iniutos  ng pangulo sa  mga  sundalo na  burahin lahat  ang  mga  terorista,  barilin ng  dalawang  beses, isa sa ulo, at  sa  puso.

Binigyang-diin  ng Pangulo na  huwag  ng  magtaka kung  patayin ang  mga  terorista  dahil  ang  nangyayari ngayon sa  Marawi City ay  isang  digmaan.

Sinabi pa ng  punong  ehekutibo na matagal  nang  plinano  ng  ISIS  ang  pagsalakay sa  Marawi City, at  hindi ito nagkataon lamang kaya’t  dapat  lamang  mapuksa  ang  mga   ito.

Ayon pa  sa  Presidente,  tatlo hanggang  apat  na  sundalo ang  napapatay kada araw  sa  nagaganap na  bakbakan.

By Meann Tanbio / Aileen Taliping (Patrol 23) 

Comments

comments