Tinawag na ipokrito ni PNP Chief Ronald Dela Rosa ang mga taong hindi nasisiyahan sa kampanya kontra droga ng gobyerno.
Ito’y matapos ilabas ng SWS ang resulta ng survey na nagsasabing 85% ng kanilang mga tinanong ay kuntento sa anti-drug campaign ng PNP habang walong porsyento ang mga hindi natutuwa at 7% ang undecided.
Ayon kay Dela Rosa, nakikinabang din naman sa resulta ng kampanya kontra droga ang mga hindi kuntento sa trabaho ng pulisya kung saan nagiging ligtas na, aniya, ang mga komunidad.
Kung pakiramdam, aniya, ng mga ito na hindi sila ligtas sa gera kontra droga, baka raw sangkot ang mga ito sa operasyon ng bawal na gamot.
Sa kabilang banda, ikinatuwa naman ng PNP Chief ang 85% sinurvey na kuntento sa anti-drug campaign.
Pinakikita, aniya, nito ang tunay na sentimiyento ng publiko.
By: Avee Devierte / Jonathan Andal
