Tinatayang aabot sa mahigit dalawang bilyong pisong halaga ng mga puslit na sigarilyo at mga pekeng tax stamp ang nasamsam ng mga operatiba ng Bureau of Customs (BOC).
Kasunod ito ng magkakahiwalay na pagsalakay ng mga awtoridad sa mga bodega ng mga nabanggit sa mga lalawigan ng Pampanga gayundin sa mga lungsod ng Zamboanga at General Santos.
Limang bodega ang sinalakay ng customs sa San Simon Industrial Park sa Pampanga na inuupahan umano ng kumpanyang Mighty Corporation.
Gayunman, nilinaw ng Customs na hindi pa direktang mai-uugnay sa nasabing kumpanya ang mga nasamsam na kontrabando.
By Jaymark Dagala | With Report from Aya Yupangco
