Pinag-iingat ng Department of Health (DOH) ang mga residente matapos magpositibo sa arsenic ang groundwater o tubig sa ilalim ng lupa sa siyam na lugar sa Batangas.
Kabilang dito ang mga bayan ng Laurel, Balete, San Nicolas, Mataas na Kahoy, Alitagtag, Sta. Teresita, Lemery, Taal at Tanauan City.
Ayon kay Health Undersecretary Maria Rosario Vergerie, maaaring makaapekto sa kalusugan ng isang indibidwal ang tubig na kontaminado ng nakakalasong kemikal na arsenic.
Posible aniyang makaranas ang mga ito ng pagsusuka, pananakit ng tiyan, pagdudumi, maging ang pamamanhid sa kanilang extremities.
Sakali aniyang makainom at hindi maagapan ay maaari itong ikamatay.
