Papalo na sa halos 500 ang bilang ng mga pulis na tinamaan ng coronavirus disease 2019 (COVID-19) sa buong bansa.
Batay sa pinakahuling datos ng Philippine National Police (PNP), nasa 499 na mga pulis na ang nagpositibo sa virus.
Ito ay matapos makapagtala ang PNP ng 16 na bagong kaso
Sa kabila nito, umakyat din sa 288 ang bilang ng mga gumaling sa sakit dulot ng virus.
Subalit nadagdagan pa sa walo naman ang bilang ng mga nasawi.
Samantala, nasa 661 naman ang mga pulis na itinuturing na-probable cases habang nasa 875 ang suspected cases.
