Matatanggap na ng mga pulis na may ranggong PO1 o Police Officer 1 ang kanilang dobleng suweldo sa Enero ng susunod na taon.
Ito ang inanunsyo ni PNP Chief Dir/Gen. Ronald bato Dela Rosa sa isinagawang flag raising ceremony sa Kampo Crame kaninang umaga.
Paliwanag ng PNP Chief, PO1 pa lamang ang siyang makikinabang sa dobleng suweldo dahil hindi pa kaya ng gubyerno na lahatin ang mga pulis.
Gayunman, tiniyak ni Dela Rosa na may matatanggap pa ring dagdag suweldo ang mga pulis na may mga ranggong PO2 pataas ngunit hindi ito doble tulad ng sa PO1.
Batay sa memorandum circular na inilabas ng Malakaniyang, nasa mahigit 14,000 piso ang tinatanggap na suweldo ng isang PO1 at inaasahang magiging halos 30,000 Piso na ito.
