Inalerto ng pamahalaan ng Pilipinas ang mga Pinoy na nasa Italy matapos pumutok ang Mt. Stromboli
Inihayag ng embahada ng Pilipinas sa Italy na isinailalim na sa orange ang alert level status sa lugar dahil sa pag-aalburoto ng bulkan.
Nanawagan naman ang Philippine Embassy na makipag-ugnayan sa embahada at mga otoridad.
Batay sa huling datos, huling pumutok ang bulkan nitong linggo ng umaga, kasabay ng pagbuga ng makapal na usok at lava.
Sa pagtatala ng Italian National Institute of Geophysics and Volcanology, Setyembre a-29 nang huling pumutok ang bulkan.
Gayunman, walang naitalang namatay o nasaktan sa naturang insidente. —sa panulat ni Hannah Oledan
