Nagka-aberya din ang Light Rail Transit o LRT Line 1 kaninang umaga.
Ayon sa pamunuan ng LRT, nagkaroon ng technical problem ang kanilang tren sa bahagi ng Blumentritt Station north bound pasado alas-8:00 ng umaga.
Dahil dito, kinailangang ihinto pansamantala ang biyahe dahil sa nagkaprobelmang tren.
Dahil sa aberya, humaba ang pila ng mga pasahero sa Monumento Station at iba pang istasyon ng tren.
Alas-8:21 naman nang maibalik sa normal ang operasyon ng LRT Line 1.
Samantala, nakaranas din ng maagang perhuwisyo ang mga pasahero ng Metro Rail Transit o MRT-3.
Alas-6:00 ng umaga nang pagpapababa sa mga pasahero sa Magallanes Station northbound dahil sa technical problem.
Ayon sa abiso ng MRT-3 sa pagsisimula ng biyahe ngayong araw na ito, walong tren lamang ang unang pinabiyahe.
—-
