Inamin ni Chief Inspector Jovie Espenido, Hepe ng Ozamiz City Police na gumamit ng mga menor de edad ang pamilya Parojinog bilang human shield sa isinagawang drug raid sa Ozamiz City na ikinasawi ng 16 katao.
Ayon kay Espenido, inimbitahan ng mga Parojinog ang mga bata na magpalipas ng gabi sa kanilang tahanan dahil inaasahan na nila na sila na ang sunod na target ng pulisya sa operasyon kontra illegal na droga.
Samantala, sinagot rin ni Espenido ang akusasyon ni Vice Mayor Nova Princess Parojinog na pinaslang ang kanyang ama sa drug raid.
Aniya, welcome ang anumang reklamong isasampa laban sa kanila ng anak ni Mayor Parojinog Sr. hinggil sa nasabing akusasyon.
By Arianne Palma
