Nakatanggap ng death threat ang apat na pari sa Ilocos Norte.
Ito ang kinumpirma ni Interim Bishop Bermilion Tagalog ng Iglesia Filipina Indipendiente, na nangangamba ngayon para sa buhay ng kanyang mga kasamahan.
Kinilala ni Tagalog ang mga naturang pari na sina Father Randy Manicad, Father Arvin Mangrubang, Father Clifford Bayug at Father Sherwin Saclad.
Ayon kay Tagalog, nagsimulang makatanggap ng death threat ang apat na pari nang kanilang pangunahan ang isang candle lighting activity bilang selebrasyon ng International Human Rights Day.
Maliban sa banta sa buhay, inamin ng isa sa mga pari na mayroon ding mga naka-motorsiklong sumusunod sa kanya kahit saan siya magpunta.
—-
