Dapat gawin sa labas o outdoor ang mga pagtitipon ngayong christmas season upang mabawasan ang hawaan ng COVID-19.
Iminungkahi ito ni Adult Infectious Disease and Tropical Medicine Head Dr. Rontgene Solante ng San Lazaro Hospital.
Hinikayat din niya ang nasa vulnerable sector na huwag nang sumama sa mga gathering at party lalo na kung ang mga ito ay hindi bakunado.
Nagbabala rin si Solante na mataas ang tyansa ng hawaan sa karaoke sessions kaya’t mahalaga ang pagsusuot ng face mask.
Samantala, sinabi ng health expert na ang bahagyang pagtaas ng kaso ng COVID-19 sa bansa ay posibleng dahil sa maluwag na mobility noong nagdaang All Saints at All Souls Day.
