Papanagutin ni Vice President Leni Robredo ang mga online trolls o naninira sa kanya sa internet.
Kasunod ito ng malisyosong pagpapakalat ng mapanirang balita hindi lamang sa kanya kundi maging sa kanyang yumaong asawa na si dating Interior Secretary Jesse Robredo.
Ayon kay Robredo, kinakausap na niya ang kanyang mga abogado sa posibleng legal action na maaari nilang gawin laban sa mga bumabanat sa kanya sa social media.
Aniya, panahon na para matuldukan ang malawakan at planadong kampanya para siraan siya at kanyang pamilya sa social media.
Sa kabila nito, sinabi ni Robredo na kahit gaano nakakagalit ang mga paratang ay dapat na maging malakas at matapang para mangibabaw ang katotohanan.
By Rianne Briones
