Oil price hike ipinatupad ngayong araw

Inilarga na ng mga kumpaniya ng langis ang dagdag sa presyo sa mga produktong petrolyo epektibo ngayong araw na ito.

Alas-12:01 kaninang madaling araw nang ipatupad ng Flying V angP0.30 na dagdag sa kada litro ng gasolina habang P0.70 naman ang umento sa kada litro ng diesel.

Alas-6:00 naman ngayong umaga epektibo ang oil price increase ng mga kumpanyang Shell, Petron, Seaoil, PTT, Clean Fuel, Unioil, Chevron, Total, Eastern at Phoenix Petroleum.

Samantala, may dagdag ding P0.55 naman sa kada litro ng kerosene ang ibang mga kumpanya ng langis.

Ito ang unang beses na nagtaas ng presyo ang mga kumpaniya ng langis sa kanilang mga produkto mula sa apat na magkakasunod na linggong pagpapatupad ng bawas presyo.

By Jaymark Dagala

Comments

comments