Nababahala ang mga negosyante sa posibleng panibagong surge at lockdown bunsod ng mababang resulta ng mga nagpapabakuna ng booster shot laban sa COVID-19.
Ayon kay Presidential Adviser for Entrepreneurship Joey Concepcion walang problema sa mga manggagawa sa private sector dahil halos 100% na ang nakatanggap sa mga ito ng booster shot.
Bagamat maganda umano ang pamimigay ng insentibo kapalit pagpapaturok ng booster shot ay hindi nakikita ni Concepcion na magbibigay pa ng panibagong insentibo ang pamahalaan sa mamamayan.
Samantala, kailangan aniyang lumakas ang negosyo dahil hindi lamang ang COVID-19 ang problema sa ngayon kundi pati na rin ang nangyayari sa pagitan ng Ukraine at Russia. —sa panulat ni Mara Valle