Mga naulilang pamilya ng fallen heroes sa Marawi City naging bisita sa Malacañang  

Binalot ng lungkot at luha ang pakikipagkita sa Malacañang kay Pangulong Rodrigo Duterte ng pamilya ng 101 “fallen heroes” sa krisis sa Marawi City.

Ang pamilya ng mga nasawing sundalo at pulis ay bisita kahapon sa Malacañang para personal na tanggapin ang tig-P250,000 na tulong pinansiyal mula sa donasyon ng iba’t ibang pribadong kumpanya sa bansa.

Sa tulong din ng “Go Negosyo”, binigyan ng pangkabuhayan ang mga naulilang pamilya para pagsimulan ng maliit na negosyo.

Bago ang aktibidad, itinurn-over kay Pangulong Duterte ang donasyon ng isang organisasyon bilang tulong at suporta sa naulilang pamilya ng mga sundalong nagbuwis ng buhay sa Marawi City.

Kabilang sa mga sumaksi sa turn-over ng tulong ay sina dating Pangulo ngayo’y Pampanga Representative Gloria Macapagal Arroyo, mga gabinete at spouses foundation na miyembro na asawa ng mga  cabinet members.

By: Meann Tanbio / Aileen Taliping

Comments

comments