Isinailalim na sa provisional coverage ng WPP o Witness Protection Program ang mga magulang ni Kian delos Santos.
Ayon kay Justice Secretary Vitaliano Aguirre, patunay lamang ito na seryoso ang pamahalaan sa pagbibigay proteksyon sa mga magulang ni kian na sina Zaldy at Lorenzana Delos Santos, kasabay ng pagtiyak na mabibigyan ng hustisya ang pagkamatay ng binatilyo.
Nauna nang sinabi ni Pangulong Rodrigo Duterte na gusto niyang tiyakin ang proteksyon ng mag-asawang Delos Santos lalo’t mga alagad ng batas ang itinuturong pumatay sa kanilang anak na si Kian.
Sa kanyang panig, sinabi ni Aguirre na handa ang kanilang tanggapan na tanggapin sa WPP ang iba pang mga saksi kabilang na ang dalawang menor de edad na nauna nang kinuha ng kampo ni Senador Risa Hontiveros.
By Meann Tanbio / Photo via Bert Mozo
